वाईटातून चांगलं _ भाग ४ (अंतिम)

ऑफिसमध्ये सुद्धा मनालीला असं उदास पाहून सुजयला वाईट वाटत होतं. ऑफिसमध्ये नव्याने आली तेव्हा मनाली जरा लाजरी बुजरी होती. पण आता आपल्या तिघांचं खूपच छान जमतं. मी, प्रिया आणि मनाली एकमेकांशी सगळं शेअर करतो. सुहासबद्दल पण एक दोन वेळा मनाली आपल्याशी बोलली तेव्हा आपल्या मनात खूप असूया निर्माण झाली होती, परंतु आता प्रियाने त्याला सारा प्रसंग सांगितल्यानंतर एका बाजूने त्याला खूप आनंद झाला होता. तो आणि प्रिया दोघं मिळून ऑफिसमध्ये मनालीला बोलतं करायचा, हसवायचा प्रयत्न करत होते. मनाली विचार करत होती हा सुजय आपल्यावर प्रेम करतोय तरी आपल्याला कधी कळलं सुद्धा नाही. खरं प्रेम असंच शांत असतं का. सुजय खूप नम्र आणि सर्वांना सांभाळून घेणारा आहे. पण आता एकदा ठेच लागली आहे तर कोणताही निर्णय घ्यायची घाई करायची नाही. सारं काही विचार करूनच करायला हवं.