वाटणी भाग -२

"अहो काकी , हा शिकलेला तुमचा लेक बहिणींना स्वतः च्या वडीलांच्या दहाव्या दिवशी सह्या मागतोय. का ? तर ही काळी आई विकून त्याला शहरात स्वतः ची फॅक्टरी सुरू करायची आहे. व्वा! आणि बहिणीने सही दिली नाही तर आण्णा सारखं विष पिऊन आत्महत्या करणार आहे म्हणे. अरे आण्णा अशिक्षित असल्याने त्यांनी तसले पाऊल उचलले आणि त्यालाही सर्वस्वी तूच जबाबदार आहेस इतके दिवस गप्प होतो कारण मला खरे सांगून कोणालाही दुखवायचे नव्हते कारण अण्णा आपल्याला सोडून गेलेत हे ऐकल्यावर तरी तुझा निर्णय बदलेल असे मला वाटले होते. तेव्हा आपल्या बोलण्याने नात्यात वितुष्ट नको आणि आता बोलून तरी काय फायदा असे वाटले होते पण हे तुझे अति होतेय. म्हणून स्पष्ट सांगतोय. त्यासाठी तुझे माझे नाते कायमचे संपले तरी चालेल." संजय धायमोकलून रडू लागला.