विभक्त भाग ४७

सायली " आता नाही का तू पदर सारखा केलास .. काल  म्हणलासचं ना मला  काही  येत नाही . स्वतः आपण बोलतोय काय ? वागतोय कसे ? यांच्याकडे बघ .. मी तुझ्या साठी तिथे त्या लता वहिनींच्या  मागे लागून जेवण बनवले . तुझ्या आई च्या पा या पडून पडून तिकडे शेतावर जायची परमिशन मिळवली . दादा पण गाडी आधी दयायला घाबरतच होते .. त्यांच्याकडून चावी मिळवली ..  गोल साडीत गाडी कशी चालवू म्हणून नऊवारी साडी नेसून निघाली .. तुझ्यासाठी .. आणि तू  असा वागलास माझ्याशी .. मी २ तास तिकडेच तुझी वाट बघत होते .. त्या गड्या बरोबर पण काही मेसेज नाही ठेवलास . तू परत येणार आहेस का नाही माहित नाही ? मी परत जायचंय का नाही माहित नाही . ? मी किती वेळ वाट बघायचय माहित नाही .. आणि दोन तासांनी कळतंय कि साहेब गाव बाहेर गेलेत .. तुला एवढी कसली घाई झाली होती जे की एक मिनिट मला भेटून सांगायला पण वेळ नव्हता .