विभक्त भाग ५७ अंतिम भाग

मिहीर " ए गप ए आदी .. मी आधी आणि तू नंतर आहेस  .. आणि दोघे हसायला लागले  ..

मिहीर " सॉरी .. सॉरी "

मिहीर सायलीला .. “काय नालायक कार्ट आहे माझ्यावर च गेलाय .. तुझ्या बाबतीत इतका पझेसिव्ह कसा काय झाला ?"

मिहीर मीरा ला उचलून घेतो आणि  आदी कडे  बघून म्हणतो " तू माझी प्रिन्सेस आहेस ना .. मग मी तुला किशी देतो .. दादाला नाही .. तर मीरा  मिहीर ला किशी देते आणि त्याला म्हणाली .. “पण मी तर मम्मा ची प्रिन्सेस आहे कारण मी मम्मा सारखी बनणार . “

सायली अजून हसायला लागते ..

मिहीर " अरे नालायकांनो मी आहे कि नाही .. मी पण आहे .. मला तुमच्या टीम मध्ये घ्या .. माझे कोण आहे कि नाही इथे ? मम्मा माझी पण फेव्हरेट आहे रे… ”

तर तिघे म्हणाले " अरे आम्ही कोणाचे आहे मग .. आमच्या तिघांचे तुम्ही फेव्हरेट आहे .  आणि चौघांनी एकमेकांना किशा दिल्या .

तर असे हे स्वर्ग से सूंदर आणि सुखी जसे मिहीर ला पाहिजे होते तसे घर सायली आणि मिहीर चे होते .

निघता निघता सायली मिहीर ला म्हणाली

सायली "ऐक ना मिहीर , आज मला तुला थँक यु म्हणायचेय .. आज जी मी आहे ते केवळ तुझ्यामुळे .. तू माझा नेहमी सपोर्ट सिस्टिम म्हणून माझ्या मागे खंबीर उभा राहिलास . माझ्या नोकरीला कधीच दुय्यम समजला नाहीस .. माझ्या स्वप्नांना तू बळ दिलेस त्यामुळेच मी हे सर्व करू शकले . नाहीतर आंनदी संसारा  च्या मागे एका कोणाचा तरी त्याग असतो . ..आपला संसार तर बहरालाच पण त्यात मला माझ्या करिअर ची आहुती द्यावी लागली नाही .. आणि हे फक्त तुझ्या मुळे झाले .

आज मागे जाऊन विचार केला तर असे वाटेल कि जो १० महिन्यांचा विभक्तपणा आपण स्वीकारला होता त्याची काही गरज नव्हती . पण तसे नाही माझ्या दृष्टीने मला त्या १० महिन्यात खूप काही शिकायला मिळाले . आपल्या दोघात एक प्रकारचा  स्पष्टपणा  आला .एकमेकांची कदर कळली आणि मुख्य म्हणजे मानसिक विभक्तपणा तिथे संपला . त्यामुळेच तर पुढे सगळे चित्र बदलले .. त्यामुळेच माझी विचार करण्याची पद्धत बदलली . नक्की मला काय हवेय आणि तुला काय हवेय ते मला कळले ..  सो क्रेडिट गोज टू यु .

त्या नंतर ना मला तुझ्या बद्दल कधी कोणतीच तक्रार म्हणा नाराजी राहिलीच नाही .. उलट माझा तुझ्यावर इतका विश्वास बसला कि तू जे करशील ते योग्यच करशील . मनात कोणताच आड पडदा राहिला नाही .. तुझे माझ्या वर असलेलं प्रेम किती निरागस आणि निरपेक्ष आहे याची जाणीव मला झाली .. आय लव यु .. मिहीर”

मिहीर " प्रत्येकाची  प्रेमाची परिभाषा वेगळी असते .. माझी निरपेक्ष होती का नाही मला माहित नाही पण मला तू माझ्या  बरोबर पाहिजे होतीस फक्त तुझी साथ पाहिजे होती बाकी काहीच नको होते. तुला माझ्यात तुला साजेसा लाईफ पार्टनर दिसला हेच माझ्यासाठी खूप होते .. "आय लव यु टू "