विभक्त भाग ५६

मिहीर ने दोघांच्याही कपाळावर  किस केले. पुढे काय घरातली गडबड .. आवाज ... रडारड .. जागरणे खूपच वाढली . तरीही त्याला जेवढी सायलीची काळजी घेता येत होती तेवढी तो घेत होता  . हॉस्पिटल मधून एक सिस्टर बेबी ला अंघोळ घालायला यायची.

बाहेरच्या देशात तर वोर्किंग वूमेन्स ला खूप फॅसिलिटी असतात . त्याचा आधार घेत दोघांनी त्यांचे काम चालू ठेवले . मग त्याच सिस्टर ला खास बाळाला बघायला घरी ठेवले .. सायली तिला जमेल तेवढा मॅक्सिमम वेळ देतच होती . मिहीर पण  जमेल तसा  वेळ काढायचा

हळू हळू इकडे पण त्याचे रुटीन खूप छान सेट झाले . दोघांनी दोघांची कामे वाटून घेतली . दोघांच्या वेळा ठरवून घेतल्या .. मी सकाळी  सांभाळीन .. तू रात्री सांभाळ .. दुपारी सांभाळायला सिस्टरअसायची .. ज्याला जमेल ते काम करायचे आणि आनंदात होते .. मनाने ठरवले ना कि काही कठीण नसते . मुळात दोघांना एकमेकांची साथ होती त्यामुळे अजून तिसरा असता तर नक्कीच चाललं असते पण त्याच्या वाचून काही अडले नाही .

मिहीर जसा म्हणाला होता सायलीला कि सगळे शक्य आहे जर आपण दोघे एक टीम असलो तर . अगदी तसेच  त्यांची दोघांची टीम उत्तम प्रकारे संसार आणि दोघांचे करिअर सांभाळत होते .

आता पर्यंत थोडे तिकडे पण फ्रेंड्स झाले होते .. मग सर्वांना बोलावून बाळाचे घरातल्या घरात बारसे केले . बाळाचे नाव 'आदित्य' ठेवले .  हे दोघे त्याला लाडाने 'आदी 'असे बोलायचे .