वाढत जाणाऱ्या अपेक्षांची चौकट

"आई... मला अजिबात मानसिक सुख शांती नाही कधीकधी विचार यायचे स्वतःला संपवावे.मग आई तुझा आणि बाबांचा विचार मनी आला आणि स्वतःला सावरलं".
शेवटी ठरवल मी माझ्या मनाशी, ह्या अपेक्षेच्या चौकटीतून बाहेर पडायचं आणि या सगळ्यावरून वेगळं होण्याचा निर्णय घेतला.
आई यावर रमाला समजावते, "हे सगळं पटतय मला तरीहि तू एकदा विचार करावास असं मला वाटतं...
तू तुझं वेगळं अस्तित्व निर्माण कर.तु उच्चशिक्षित आहेस तर त्याचा उपयोग कर.हि वाढत जाणारी अपेक्षांची चौकट झुगारून तुझी राहून गेलेली स्वप्न पूर्ण कर.तुझ्या आवडीचा छंद झोपसायला सुरुवात कर.स्वतःला ह्या सगळ्यात व्यस्त करून घे.
ते बोलतात त्या गोष्टी सोडून द्यायला शिकून घे त्यामुळे तुझं मानसिक स्वास्थ्य चांगले राहील".
शेवटी इतकंच म्हणेल...
"नातं तोडणं सोपं पण टिकवणं कठीण असलं तरी महत्वाचं असतं."

         वाचकहो, हे आणि असे बरेच अनुभव आपल्याला आयुष्यात येत असतात. ही कथा सत्य घटनेवर आधारित आहे.प्रत्येक नवरा बायकोच्या नात्यात प्रेम टिकवणं हे दोघांच्या हातात असतं. सासरच्या लोकांनी सुनेला समजून घेणही गरजेचं असतं. अपेक्षांचं म्हणाल तर त्या वाढत जातात पण त्या माणसापेक्षा मोठ्या नसाव्यात.अपेक्षांची हि चौकट भेदून स्वातंत्र्यपणे जीवन जगायचं हा प्रत्येकाचा हक्क आहे. शेवटी माणूस आणि नातं जपणं महत्वाचं नाही का?