विनाकारण खर्च

त्यानंतर दोन दिवसांनी विशालने भारतीला घरातील किराणा सामान संपल्याची आणि दूध ,लाईट बील वैगेरे भरायचे बाकी असल्याची आठवण करून दिली. मी घरीच आहे तर मी करेल ही कामे अस सांगून
तिच्याकडून ह्या सर्व खर्चाचे १५००० रुपये घेतले.
पहिल्यांदाच भारतीला एवढे पैसे देताना जरा दडपण आलं.
तिने विशालला सांगितले , यातून काही उरतील का बघा.
विशाल - अगं ह्या गरजेच्या वस्तू आहेत किराणा सामान, वीज, दूध , रोजच्या भाज्या, यासाठी जो खर्च आहे तो करावा लागणारच ना?
भारतीकडे यावर उत्तर नव्हते.
पगार होऊन १० दिवस झाले होते आणि अर्धा पगार संपला होता. त्यातून दर एक दिवसाआड विशाल चा कॉल यायचा. मला हे घ्यायचं आहे , हे माझ्याकडे नाहीये, आज माझा मित्र आलाय, वैगेरे अशी कारणं सांगून तो काहीना काही खर्च करत असायचा.