व्हाईट लिली - भाग १०

पुन्हा एकदा आशुतोषच्या जखमेवरची खपली उडाली. जखम वाहू लागली. बाबांच्या सांगण्यावरून अवनी लग्नाला तयार झाली. जयवंतने चारचौघात शोभेल असं अवनी आणि विशालचं लग्न लावून दिलं. जयवंतच्या निवृत्ती नंतर वर्षभरातच अवनीचं लग्न झालं. ती सासरी निघून गेली. तिच्या पाठोपाठ अदितीचंही लग्न झालं. प्रशांत आणि आदितीचा संसार सुरू झाला. सर्वजण आपापल्या आयुष्यात खूष होते. सगळं छान सुरळीत होतं; पण एक तेवढा आशुतोष काही अजून स्थिरावला नव्हता. अवनीच्या लग्नानंतर निव्वळ बाबांची पेंशन आणि बँकेतील काही ठेवी यावर घर चालू होतं आणि याची आशुतोषलासुद्धा कल्पना होती. कुठेच काही घडत नव्हतं. आणि आता तर लॉकडाऊन सुरू झाला होता. कामावर असणाऱ्याना कामावरून काढून टाकण्यात येत होतं तर मग त्याच्या सारख्या नवशिक्याना कोण चटकन नोकरी देईल? रोज रात्री उशिरापर्यंत जागरणं करणं सकाळी उशिरापर्यंत बिछान्यात लोळत पडणं नित्याचं झालं होतं.

0