वंडर ट्वेल्व्ह पुस्तक समीक्षण

मराठी साहित्यातील एक प्रसिद्ध साहित्यिक म्हणजे सुहास शिरवळकर. सामाजिक, प्रेम, रहस्य, गुप्तहेर कथा, लघुकथा, इ. लेखनप्रकारात सुशिंचं बरंचसं लिखाण प्रकाशित झालंय. ऐतिहासिक, एकांकिका, बालसाहित्य, कविता, नभोनाट्य, इ. प्रकारातही त्यांचं लिखाण प्रसिद्ध आहे. त्यांनी दिडशेहून अधिक रहस्यकथा लिहूनही प्रत्येक वेळी त्यांच्या रहस्यकथा वाचताना काहीतरी नवीन वाचायला मिळतं. हेच इतर प्रकारच्या साहित्याबाबतही म्हणावं लागेल. प्रत्येक पुस्तकाचं मुखपृष्ठही विशेष असायचं. तसं तर त्यांच्या कथेतील प्रत्येक पात्र मनात घर करून जातं; पण त्यांची बॅरिस्टर अमर, मंदार पटवर्धन, दारा बुलंद, इ. पात्रं तर अजरामर म्हणावी लागतील. 'दुनियादारी' तर आज चित्रपटाच्या माध्यमातून बऱ्याच जणांपर्यंत पोहोचली आहे. मात्र सुशिंची कादंबरी स्वरूपातील दुनियादारी वाचण्याची मजा काही औरच! हेच 'समांतर'बाबतही. 'देवकी'ची लोकप्रियता सर्वांनी अनुभवली आहेच. एकूणच काय, तर सुहास शिरवळकर आणि त्यांच्या साहित्याविषयी जितकं बोलू तितकं कमीच.