जागतिक मानसिक आरोग्य दिन

एखादे दिवशी खूप जास्त धावपळ झाली की आपलं शरीर कसा पार्थून जातं दमत अगदी एखादा ग्लासही इथून तिथे उचलून ठेवायचा त्रास आपल्या शरीरात उरत नाही. असंच काहीसं आपल्या मनासोबतही होतं. शरीरावरील जखमा त्याचा थकवा हा डोळ्यांनी दिसून येतो परंतु मनावरील आघात दिसत नाहीत अन तेच जास्त घातक ठरतं. कारण त्याकडे विशेष असं लक्ष दिल्या जात नाही. आणि मग पुण्याच्या त्या सीए असलेल्या गुणी मुलीने उचललेल्या टोकाच्या पावलात त्याचे रूपांतर होते. तिला कळत होते की तिच्यावर कामाचा खूप तणाव येत आहे तरीही ती रात्र रात्र जागून, सुट्टीच्या दिवशीही काम करून स्वतःला सिद्ध करायच्या प्रयत्नात होती. कधी कधी मला सर्व जगाचा खूप राग येतो. मशीन बनवून ठेवले आहे आपण स्त्रियांना. आधी तरी फक्त चुलमुल होतं तिच्यावर, आता तर चूल मूल वर कमावण्याचं खूळ. पार वाट लावली आहे स्त्रीच्या मानसिक शारीरिक आरोग्याची. असो यावर नंतर कधीतरी लिहील.