यात्रा - भाग 4

"साक्षी,काळजी करू नकोस मला माहितीये तुला गावाकडची सवय नाही पण तुला तिथे काहीही त्रास होणार नाही.उलट सगळेजण तुझी खूप काळजी घेतील.
चार-पाच दिवसांसाठी जाऊ आपण तुलाही खूप आवडेल तिथे.
खूप छान वाटते शेतात फिरायला, तो मातीचा सुगंध, विहिरीत पोहण्याची धम्माल .तुला माहितीये खूप मस्ती करायचो आम्ही लहान असताना.
बघ ना ,आज आपलं पिल्लू एक वर्षाचा आहे आणि आबांचा फोन आला इथून पुढे त्याला नेहमी आपल्याला गावाकडे घेऊन जाता येईल. शहरात ज्या गोष्टी त्याला मिळणार नाहीत त्या त्याला गावाकडे मिळतील. स्वच्छ हवा,मोकळे आकाश आणि खेळायला खूप मोठी जागा.
मला तर असं झालंय कधी आदित्य मोठा होतो आणि कधी मी त्याच्याबरोबर सगळी धमाल करतोय."