योग्य वेळ भाग २

"असे कसे म्हणता आई? आनंदी गोपाळ जोशी या पहिल्या डॉक्टर झाल्या तो काळ आठवा. त्या काळात त्यांच्या पतीने त्यांना खंबीरपणे पाठिंबा दिला म्हणून त्या डॉक्टर होऊ शकल्या. हे त्यांचे काम त्या काळात शोभणारे कुठे होते?" हे ऐकल्यावर मीनाताईंनी आपल्या तोंडाला कुलूप घातले. आपली सून दीक्षा बोलण्यात अगदी फटाका आहे हे त्यांना अनुभवाने माहीत होते. आपल्याला तोंड दाबून मुक्क्यांचा मार खावा लागतोय हे समजूनही त्या शांत होत्या, कारण त्यांनाही दीक्षाचे बोलणे पटत होते. तिच्यासमोर आपण आपली बाजू मांडूच शकत नाही याची त्यांना कल्पना होती, त्यामुळे त्या एवढेच म्हणाल्या,