झळाळी ( भाग ५ अंतिम )

जेवण झाल्यावर वैशूने देविकाला बोलण्यासाठी थांबवले.
" देविका, मी खरंच इथे राहिलेलं तुला आणि विहानला चालेल का ? आताच मी वैदेहीला पाहून तिचे कितीतरी पापे घेतले आणि नंतर मला खूप अपराध्यासारखे वाटू लागले. तू माझी मुलगी आहेस कदाचित तू समजून घेऊ शकशील पण विहानला आवडेल मी त्याच्या लेकीचे पापे घेतलेले ? मी तुझी जन्मदाती जरी असले तरी ह्या नात्यात खूप मोठी दरी निर्माण झाली आहे ग. तुझं मन मोठं म्हणून तू मला तुझ्या घरी घेऊन आलीस. पण मी इथे राहिल्यामुळे तुमच्या दोघांमध्ये कुठलेही वाद व्हायला नको. तुमच्या संसारात कुठलेही वितुष्ट नको. सगळा सारासार विचार कर देविका."