झळाळी ( भाग ३ )

ती वस्ती आणि त्या बायका बघून वैशू खूप घाबरली. एक जाडजूड बाई तिथे एका खाटेवर पान खात बसली होती. इशाऱ्यानेच तिने त्या इसमाला पैसे द्यायला लावले. वैशू त्या बाजारात विकली गेली होती. तिने त्या स्त्रीला मला इथे कुठे आणले विचारले असता ती स्त्री गदगदून हसली आणि बोलली की, " एक मूल आहे तुला म्हणजे तू कोरी नाहीस. बाहेरच्या जगात राहशील तर बलात्कारावर बलात्कारचं तुझ्यावर होत राहतील. निदान इथे तुझ्या शरीराचे मोल तरी मिळेल." असे म्हणून त्या स्त्रीने एका अंधाऱ्या खोलीत तिला ढकलले. एक तिथे तिच्या वयाचीच मुलगी होती तिने तिला सांगितलं हा नरक आहे. जसं जमेल तसं इथून पळ काढ. वैशू बिचारी आपल्या नशिबाला दोष देत रडत राहिली.