सासूबाई म्हणतील तसं... भाग २

“आई, मान्य आहे तू आपल्या घराच्या पूर्वीपासूनच्या चालत आलेल्या सगळ्या रूढी, परंपरा जपण्याचा प्रयत्न करत आहेस; पण जर आपल्या घरामध्ये एक नवीन सदस्य येतो आणि थोडाफार बदल करण्याचा प्रयत्न करतो तर आपणही काळानुसार आपल्या वागण्यामध्ये थोडा बदल केला तर त्यात काहीही वावगं नाही. तू जेव्हा या घरामध्ये नवीन लग्न करून आली होतीस तेव्हा तुला या घरातल्या रूढी, परंपरा माहीत होत्या का? तेव्हा तुझ्याही मनामध्ये काही वेगळे विचार असतील, तुझ्या माहेरच्या काही वेगळ्या सवयी असतील. तुलाही त्याप्रमाणे वागायला आवडले असते ना?” अमेयने आपल्या आईला शांत आणि तितक्यात प्रेमळ शब्दांमध्ये समजावण्याचा प्रयत्न केला.