आम्ही एकत्र राहतो

“अग शुभांगी सकाळी सकाळी ब्रेड आणि आलू! इतकं जड जात नाही मला! एक काम करते का? तू मला पटकन ओट्स बनवून दे!” शुभांगीच्या सासूबाईंचं हे नेहमीच असायचं जे काही केलं आहे ते सोडून त्यांना वेगळच काहीतरी हवं असायचं. शुभांगीला आता याची सवय झाली होती. तिने लगेचच सासूबाईंना ओट्स करून दिले आणि आंघोळी करिता पळाली. जाण्यापूर्वी तिने वरण भाताचा कुकर लावला होता आणि कुकरच्या शिट्ट्यांकडे लक्ष ठेवा ही सूचना तिने मीनाताईंना दिली होती.