तगमग भाग एक

‘आयुष्य इतकं सुंदर कधीच नव्हतं, जितकं मला ते आता वाटते आहे. एक व्यक्ती अचानक आयुष्यात येते काय? मला मी असल्याची आणि माझ्यावर खूप खूप प्रेम असल्याची जाणीव ती करून देते काय! आणि जबाबदाऱ्यांपलीकडेही एक सुंदर आयुष्य असतं आणि ते जगण्याचा अधिकार देवानं प्रत्येकालाच दीलेला असतो असं मला अगदी प्रेमळ आणि अधिकार वाणीनं समजून सांगते काय! आणि मग मलाही ते सगळं पटायला लागतं. अगदीच अनपेक्षित!!! काही गोष्टी या केवळ कथा कादंबऱ्यांमध्येच नव्हे तर खऱ्या-खुऱ्या आयुष्यातही घडत असतात. आपण आपल्या माणसांसाठी जे काही करत असतो त्याची नोंद कोणीतरी नक्कीच ठेवत असावं आणि मग आपल्या आयुष्यातलं रितेपण भरून काढायला, आपल्यावर अखंड प्रेम करणारी एक समंजस व्यक्ती आपल्या आयुष्यात येते आणि संपूर्ण आयुष्य तीनशे साठ अंशाच्या कोनातून बदलून जातं. माझ्याजवळ सगळं होतं, नाव, पैसा, कामातून मिळणार समाधान, जीवनात नव्हतं ते फक्त प्रेम. ते प्रेम आता मला मिळणार आहे आणि माझा आयुष्य पूर्णत्वास जाणार आहे.”