दुरून डोंगर साजरे... भाग २

दिवसांमागून दिवस जात होते. हळूहळू आदित्य त्याचे शिक्षण पूर्ण करत दहावी मध्ये गेला. मार्ग कठीण, पण मनामध्ये जिद्द अजून ही तशीच होती. त्याच्या दहावीच्या शेवटच्या परीक्षेला एक महिना शिल्लक असताना मध्येच त्याचे वडील आजारी पडले त्यामुळे घरात येणारा पैसा बंद झाला. त्याची आई दिवसभर  घरकाम करून दमून जात होती. आदित्य स्वतः शाळेतून घरी आल्यावर शेतात जाऊन काम करत होता. शेतात पूर्ण दिवस काम केल्यामुळे थकवा अंगदुखी होत असली तरी त्याची हिंमत मात्र तुटत नव्हती.