नावडती चं मीठ अळणी भाग एक

सकाळपासूनच गौरी स्वयंपाक घरात काही ना काही करतच होती. आधी मुलासाठी तिने टिफिन बनवला. मग त्याला उठवून शाळेसाठी तयार केलं. गौरीचा मुलगा प्रथमेश शाळेत जाण्याकरिता तयार होण्यासाठी रोजच तिला त्रास द्यायचा. एकतर तो शाळेत जाण्यासाठी झोपेतून उठायलाच तयार नसायचा. दादा-पुता करून, सोन्या-मोन्या करून गौरी त्याला कसेबसे शाळेसाठी तयार करे. त्यानंतर तो सकाळी दूध पिण्यासाठीही गौरीला फारच जेरीस आणे, हेही नसे थोडके म्हणून, “मम्मा तु मला आज टिफिन मधे काय दिलं आहे? मला खाऊच्या डब्यात चिप्सच हवेत किंवा कप केकच पाहिजेत किंवा अजून काहीतरी” असं म्हणून तो गौरीच्या संयमाचा अगदी अंत पाही.