पातळ भाजी भाग 37

"जमतंय मेधा ताईला त्या सासर घरात ?? तिला तर हे घर ही जमून घेत नाही..तिला तर कुठेच जागा नाही...ना माहेरी ,ना सासरी..? ती पोटुशी आहे हे ही ह्यांना माहीत नाही..सासर सोपे नाही...बघ आधीच तिने तक्रार केली असती ,गप्प बसली नसती तर आज परिस्थिती वेगळी असती..आम्ही आवाज उठवला असता ,त्यांना समजावले असते...पण हीच गप्प बसून ऐकून घेत आली..होईल माझी जागा ह्या घरात एक ना एक दिवस म्हणत सहन करत बसली..नवरा आईला बोलून दुखवणारा नव्हता मग सहन कोणी करायचे तर बायकोने..जिला मानसिक असा आधार ही तो होऊ शकला नाही..तो आईचा खेळणा होऊन बसला ,तशी गत तुझी नको व्हायला..म्हणून आपण जात आहोत अमेरिकेला.."

0