पातळ भाजी भाग 39

आई असे असे बोलून मटकन खाली बसते ,तिला आता हे स्वतःचे वागणे स्वतःवर दबाव निर्माण करत होते ,अगदी चुकीचे वागलो...स्वार्थ ठेवून ,कुहेतु ठेऊन वागणे ठीक नव्हते ,हेच असे वागणे आपले आपल्या छोट्या जावे सोबत ही होते..तिचा तर स्वभाव सगळ्यांना धरून चालणारा होता...सगळ्यांनी म्हणून तिला डोक्यावर घेतले होते..ती आपल्याला ही जीव लावून प्रेम करत ,आदराने पहात...आणि फक्त ती घरात माझ्या पेक्षा प्रिय का ?? म्हणून तिचा दुससाहस ,राग राग करत...हीन वागत..आणि तिला बऱ्याचदा खोटं पाडण्याच्या नादात आपले सत्य बाहेर पडत ,आपण इतरांच्या नजरेतून पडत होता..त्यामुळे तिच्या बद्दल अधिक घृणा मनात पैदा होत...आज हेच असेच चांगल्या प्राची सोबत आपण करत होतो ,तिच्या मध्ये मेधाची आई उमाला बघत होतो...पण हे मुलांना माहीत नव्हते ,त्यांना वाटे आपलीच आई बरोबर आहे ,असेल..पण अरविंद मोठा होता समजदार होता त्याला काकी आवडायची ती त्याला खूप जीव लावायची...तिच्या सोबत माहेरी घेऊन जायची...याचा पाचव्या वाढदिवसाच्या कार्यक्रमासाठी पैसे कमी पडले म्हणून तिने तिचे कानातले विकून पैसे माझ्या हातात दिले ,तिने त्याचा गवगवा ही नाही केला...सासूबाईने विचारले तर सांगितले कानातले हरवले कुठे तरी...