प्रेमाचे क्षण गवसले भाग 21

"म्हणूनच म्हणतो तू थांब मी बोलतो आज ह्या दोघांशी... आजच निर्णय होणार..तू जगत नाहीस आम्हाला जगू देत नाहीस म्हणणारीला मी दाखवतो जगणे काय असावे ,कोणाच्या हिमतीवर कोणाच्या जीवावर असावे...आज इथून पुढे आई जे व्यवहार सांभाळत होती ते आता मी वाटून देणार आहे..तुम्हाला पैसे दिले जातील ते फक्त शिक्षणासाठी ,त्यात तुम्हाला काय कसे उडवायचे आहेत ,कुठे खाण्यात खर्च करायचे आहेत ,कॅफे मध्ये उडवायचे आहेत ,कपडे घ्यायचे आहेत ते तुम्ही ठरवा पण हे पैसे संपताच मला किंवा आईला किंवा आजीला कोणी ही पैसे मागणार नाही..त्या दिलेल्या पैश्यातून ऍडजस्ट करा ,किंवा संपले तर नौकरी करा आता इथून पुढे मी तुम्हाला अतिरिक्त पैसे देणार नाही...आणि हो ईथुनपुढे आई आईचे आयुष्य भरभरून जगणार ,तुमच्यावर तिच्या साठी,तिच्या आवडी,छंद जोपासायला ठेवलेले पैसे तुमच्यावर ती नाही उधळून मोकळी होणार ,जे ती स्वतः जगत नव्हती ते तुमच्या वाट्याला यावं म्हणून तिचे सुख तुम्हाला देत होती ..पण आता तसे नाही होणार..तिच्या ह्या अति प्रेमाची शिक्षा तिला तुम्ही छान दिली आहे..पण आता पासून तुम्ही नौकरी करून तुमचे खर्च भागवावेत..जग जगलात आता जगात जगून पहा..म्हणजे हा माज आहे तो तिथे उतरेल..समर्था तुला जास्त गरज आहे..हो पण डोळे झाकून नाही तर डोळे उघडे ठेवून जग..मग किंमत कळली तर कळेन..पण आई झाल्यावर जास्त जमिनीवर येशील.."