फक्त तू..ओढ तुझी. भाग अठरा

कारण मीरा, संचित आणि अवनी ते तिघे एकमेकांचे खूप चांगले मित्र होते. एकमेकांवरचा विश्वास,कामातली साथ,आणि वर्षानुवर्षांची ओळख.... त्यात तिला अजून कोण नको होता...आणि अचानक मीराचं या नवीन मुलाशी इतकं सहज, इतकं मोकळं वागणं हे अवनीला पटलं नव्हतं. तो फक्त एक trainee आहे, असं स्वतःला समजावूनही तिच्या मनातली अस्वस्थता कमी होत नव्हती.... तेवढ्या वेळात ती स्वतःलाच विचारत होती,
मला खरंच याचा राग का येतोय…आणि मीराच्या बदललेल्या वागण्याचा एवढा त्रास का होतोय???
ह्याच उत्तर मात्र तिलाही कळत नव्हतं.
पण एक गोष्ट नक्की होती, वीरचा तिथे असणं
आता केवळ कामापुरतं राहिलेलं नव्हतं... त्याच अस्तित्वच तिला नको होत....