संरक्षण भाग आठ

कुणाल चे वागणे वरचेवर विचित्र होत चालले होते. अंकिता आणि तिच्या आईशी नंदिनी चे असलेले बोलणे सुधा त्याला खट कायला लागले होते. त्यावरून तो नंदिनी शी हल्ली नेहमीच वाद घालत होता. नंदिनी ला काहीच समजत नव्हते. एकतर कुणाल ची नीरज सोबत चांगलीच मैत्री आहे पण मी मात्र अंकिता शी बोलले तर याला प्रॉब्लेम का आहे ?? इतक्या दिवसांनी अंकिता आणि नंदिनी ची मैत्री कसे काय मोडणार होती ती ?? हल्ली अंकिता ला नंदिनी कडे पाहिले की तिच्या मनाची अवस्था कळत होती. काही वेळा नंदिनी ने सांगण्याचे टाळले होते पण मनाची घुसमट तिलाही सहन होत नसल्याने घरात वाद झाल्याचे सांगून ती मोकळी होत असे. म्हणजे मग अंकिता चे प्रश्न थांबत असत आणि नंदिनील पण शांतता मिळत असे. पण नेहमीच हा त्रास तिला असह्य होत होता. एकदा नंदिनी अभिला शाळेत सोडून सरळ टेकडीवरच्या निवांत जागी जाऊन बसली होती. टेकडी चा परिसर खूप निसर्गरम्य आणि सुंदर होता. दाट वनराई, एक महादेवाचे छान मंदिर आणि खूप निरव शांतता. आधीपासूनच या वातावरणाच्या प्रेमात असल्याने तिला इथे येऊन वेगळीच प्रसन्नता मिळत होती. अशीच शांत बसलेली असताना अचानक तिला मागून आवाज दिला, एकटीच का बसली आहेस नंदू ?? त्याबरोबर तिने मागे चमकून पहिले तर नीरज होता. तू इथे ?? हाच प्रश्न मी तुला विचारला आहे नंदू इथे एकटी का अशी बसली आहेस ?? नीरज म्हणाला. मी सहज आले होते मंदिरात म्हणून बसले, सारवासारव करत नंदिनी म्हणाली. पण तू इथे? नवीन बिझनेस साठी जागेच्या शोधत होतो म्हणून आलो होतो, जाताना तू दिसलीस म्हणून थांबलो. तू ठीक आहेस ना ?? नाई म्हणजे, सहसा तुला मानसिक ताण असल्या शिवाय एकांत शोधत नाहीस तू म्हणून विचारले. मी छान आहे असे म्हणत नंदिनी जायला निघाली आणि नीरज ने तिचा हात पकडुन स्वतःकडे ओढून घेतले, तशी ती त्याच्या अंगावर आदळली दोघेही काही क्षण एकमेकांच्या डोळ्यात हरवले. नंदिनी त्याच्या तावडीतून स्वतःला सोडवून घेण्याचा निष्फळ प्रयत्न करत होती पण नीरज ने स्वतःचे हात आता तिच्या कमरेभोवती घट्ट गुंफून ठेवले होते त्यामुळे सुटण्याचा प्रश्नच येत नव्हता. काय चालू आहे तुझे नीरज ?? सोड मला, मागे याच कारणासाठी मी तुझ्यावर चिडले होते तेंव्हा तु माफी मागितली होतीस आणि शब्द दिला होता तुझ्या इच्छेविरुद्ध मी काहीही करणार नाही, असे वागणार नाही. विसरलास का ?? अजिबातच नाही नंदू, मी कधीच कोणाला दिलेला शब्द विसरत नाही त्यातल्या त्यात तुला दिलेला शब्द तर विसरणार च नाही. पण खर सांगू हे असं वागायला तूच मला भाग पाडते आहेस. अग जरा बघ स्वतःकडे काय अवस्था करून घेतली आहेस तू स्वतःची. मला तुझी मदत करायची आहे, त्यासाठी तू काहीतरी स्वतःहून सांगशील या अपेक्षेने प्रत्येक दिवस उगवतो तसा मावळतो आहे नंदू, तुझी अवस्था मला तू सांगत नाही म्हणून कळणार नाही असे जर तुला वाटतं असेल तर तो तुझा भ्रम आहे उलट मला समजायला नको अशही गोष्टी मला कळतात पण मी तुझ्या बोल न्याची वाट बघत थांबलो आहे हे कसे समजत नाही तुला ?? काय उपयोग तुझ्या आयुष्यात पुन्हा येण्याचा नंदू ?? सांग मला.