मतलबी भाग एक

“दादा या दवाखान्यात फोनला अजिबात रेंज येत नाही आणि माझा फोनही व्यवस्थित चालत नाही. त्या प्रदीपला आतापर्यंत चार वेळा सांगून झालं पण त्याची शेतीची कामच संपत नाहीत. मागल्या महिन्यात त्याने माझ्या नवऱ्यासमोरच म्हटलं होतं की ‘तुला नवीन फोन घेऊन देईल.’ माझ्या सासरची मंडळी सारखी फोन करत राहतात, नवऱ्याच्या तब्येतीची विचारपूस करतात. एका नवीन फोनची मला तातडीने गरज आहे.” पिंकी तिच्या भावाला फोन घेऊन देण्यासाठी एक सारखी भुणभुण लावत होती. जणू भावांकडून फोन घेणं हा तिचा जन्मसिद्ध हक्कच होता.